بيأكلوا بكام.. حول العالم

بمناسبة رمضان... قرأت خبر في مصراوي .. ان المصريين بيستهلكوا أكل بمعدل 200 مليار في السنة
قلت أشوف الناس التانية بتستهلك قد ايه..
عملت بحث و حركات في عشر دول.. منها مصر
و في الاخر توصلت لموقع حلو اوي كل بلد و يسأل اسرة متوسطة فيها على معدل الاستهلاك في الاسبوع .. و النتايج كانت كالتالي :



1- ألمانيا: رقم واحد في القائمة و أكتر ناس بيستهلكوا.. و لا أعرف اذا كان ده بسبب ان الاسعار عندهم غالية و لا انهم طفسين؟؟ بس اعتقد عشان غلو الأسعار .. عائلة عددها اربع افراد يأكلون ب$500.07 اسبوعيا

2- الولايات المتحدة الامريكية: اربع افراد يأكلون ب $341.98 اسبوعياً.. اعتقد السبب برضه عشان الاسعار اكتر منها الطفاسة

3- اليابان: اربع افراد ب$317.25 اسبوعيا

4- ايطاليا : 5 افراد ب $260.11 اسبوعيا

5- المكسيك : 5 افراد ب $189.09 اسبوعيا

6- بولندا: 5 افراد ب $151.27 اسبوعيا

7- مصر: احنا بقى ناس جامدة .. عائلة في الصعيد مكونة من 12 فرد بيأكلوا ب$68.53 اسبوعيا.. تحيا مصر

8- الاكوادور: ناس غلابة 9 افراد بياكلوا ب $31.55 اسبوعيا.. كده احنا مش افقر ناس و لاحاجة

9- بوتان: ناس اغلب من الغلب نفسه 13 فرد بيأكلوا ب $5.03 دولار اسبوعيا


10- تشاد: طبعا دي اوقع ناس في العشرة .. 6 افراد يأكلون ب$1.23 اسبوعياً... و لا حول ولا قوة الا بالله ..

المصدر

الرخامة دي هواية!

أعرف نوعية من البشر .. عشقها الأول والأخير .. السخرية من الآخرين
بأي شكل .. و تحت أي ظرف
لا يستطيع أحدهم أن ينام مرتاح إلا وقد قام بكام حركة رزالة وغتاتة على الماشي
ويا ريت مثلاً يسخر و يمزح ويرخم ويغتت مع أصدقاءه المقربين
بل يسخر من ناس لا يعرفهم.. وللأسف .. ناس مساكين جداً وغلابة و حالتهم صعبه
كانت لي في الثانوية صداقة مع 2 من هؤلاء..
كنت أمشي معهم في الشارع فيجدون رجلا عجوزاً يمشي بصعوبة فيقولون :
" يا جدو"
" هو أنت لسة عايش ؟ .. العهد الملكي خلص يا حاج"
وكان أكثر نوع من السخافة يستهويهم السخرية من كبار السن .. في أي مكان
وبالطبع فرصه ذهبية للسخرية من المعوقين ذهنياً .. فتجده يفعل به أفعال تفطس من الضحك
هذا غير عمل المقالب السخيفة كأن يلقوا بك في الطين بدون مقدمات ( وده أقل درجات الهزار عندهم )
وأن يلقوا بنظارتك الجديدة الغالية أو بالجاكت الجديد في الشارع من الشباك ..
وحين تتكلم معهم مثلاً في أمر ما.. كأن تشكو ضيقك من مدرس الفصل ..
تجده يقوم - في نفس اللحظة - فجأة وهو يضحك ويقول للمدرس :
" يا أستاذ .. الواد ده بيقول عليك كذا وكذا "
ثم يضحك الفصل .. ويشعر أنه حرر القدس..
في الواقع لا أعرف لماذا يفعل هذا ؟
ولماذا ليس في قلبه مثقال ذرة من رحمة وشفقة على من يسخر منهم؟
لماذا يدمن السخرية إلى هذا الحد؟
و لماذا لا يفرق في السخرية بين موقف وآخر وشخص وآخر؟
و الله في الصف الأول الثانوي حصلت قصة أتألم حتى الآن كلما أتذكرها ..
كان عندنا أستاذ شيخ كبير .. اسمه مجد الدين .. رجل فضيل ..
طيب و فقير لدرجة أنه ليس لديه سوى طاقم واحد يلبسه دوما ..
قمة في الضمير التعليمي.. فكان دوما لا يغيب..ولو سأله أحد يفني نفسه من أجل إجابته
وحتى في الأيام الأخيرة من الدراسة ( التي لا يذهب فيها أحد للمدرسة إلا القليل جدا جدا ) كان يذهب ويشرح لهؤلاء القلة ..
ودوما الابتسامة على وجهه
وفوق كل هذا عنده عيب خلقي .. يده اليمنى تنقصها الإصبع الإبهام ..
فأصابع يده أربعة فقط..
فكان يمسك الطباشير بصورة مضحكة ..
وكان عندنا واد( من إياهم ) بس كان واد مصيبة ..
كلما يخرج الإستاذ.. يخرج هو ويمسك الطبشورة ويكتب مثله على السبورة ..
والفصل يضحك .. الكل يضحك
وكان هذا الفتى وشركاه يسخرون من نبره صوته العجوز.. وكلامه القديم و ملابسه التي لا تتبدل أبداً
حتى أن أحدهم ضربه بالنبلة في حصة من الحصص..
فبكى الأستاذ والله ..
وحتى في بكاءه سخر منه هذا الفتى وشركاه..
وحين شوح بيده وهو يتكلم عن تلك الفعلة المشينة ( وهي ضربه بالنبله )
ضحك الفصل .. لأن منظر يده كان مضحكا ( فهي أربع صوابع فقط)

وظللنا هكذا نضحك على سخرية الواد وليد على أستاذ مجد الدين..

و لا حول ولا قوة الا بالله

المهم اني كتبت

كنت بأزعل اوي زمان لو محدش علق على حاجة بأكتبها او تجاهلها
دلوقتي مبتقش تفرق معايا
كنت زمان لما الاقي حاجة كاتبها مفيهاش ردود اخش اقول
" فين الردود .. انتوا منفضين لي ليه "
دلوقتي مش فارقة معايا خالص
لأني قررت أن اكتب لنفسي ... لو محدش قرأ يبقى مش مشكلة .. عادي.. انا اسمي حطيت فكري قدام الناس..
و مفيش حد كل حاجة بيقولها لازم الكل يهتم بيها
لو حد قرأ و ماردش.. مش مشكلة ... اهم حاجة انه يكون فهم انا عاوز ايه .. و اتمنى اني افيده
اما لو قرأ و علق..
خير و بركه .. و يشكر
و بكده حسيت أني بقيت بأكتب بصفاء ذهن مش مهتم حد يقرأ او لا... المهم اني مش أبطل كتابة..
لانها حاجة بأحبها ...

أجدع أصحاب ..أصحابي من صغري

"أجدع صحاب .. صحابي من صغري.. هما اللي يمشوا معايا دوغري "
الجملة دي من أغنية .. مش فاكر مين غناها...
بس بجد مش عارف ليه بقيت حاسسها اوي اليومين دول ...
صحابي من صغري اللي بأتكلم عليهم هم اصدقاء الثانوية العامة ... 5 اصدقاء تقريباً
كنت معاهم في الثانوي ...كانوا اصدقاء ليا احسن اصدقاء.. و كلنا دخلنا مع بعض كلية واحدة
كلية التجارة
و قضيناها 4 سنين..
بعد ما أتخرجت مش عارف ليه حسيت اني مخنوق منهم
بقيت مش عاوز اشوفهم كتير... مش عاوز اقعد معاهم كتير..
بقيت بأتهرب منهم كل حين و الآخر!!!
حد يسألني ليه ... هأقول مش عارف ...
بس أظن ان المشكلة كلها في اني كنت عاوز اعرف ناس تانية.... ناس جديدة
كنت اعرفهم هما وبس.. ومليش اصحاب غيرهم
حسيت اني بكده هأكون منغلق على نفسي .. لازم اعرف ناس غيرهم عشان خبرتي بالحياة تزيد
سبتهم فترة... و اقصد بكلمة " سبتهم" مش إني هاجرت .. أو قاطعتهم ..
بس كل الفكرة اني بقيت مش بأقابلهم زي زمان...
كنا زمان نتقابل مرة كل اسبوع على الاقل....
بقت مرة كل شهر او اتنين
اتصاحبت على ناس تانية....
قعدت في الصحوبية مع الناس التانية دي لمدة سنة او سنة و نص تقريباً
بجد حسيت الفرق الرهيب...
اكتشفت فعلا قد ايه انا كنت مصاحب اجدع اصحاب... و اكتر ناس فاهماني و تتمنى لى الخير
اكتشفت قد ايه انا كنت مصاحب ناس قلبهم من جوة ابيض
انا لما سبتهم عرفت ناس كتير قلبها من جوه مش نقي زي قلب اصحابي
اللي منهم طماع و يتمنى يكون احسن منك
و اللي منهم متفوق بس للاسف يا خسارة .. دايما يحاول يثبت لك انه احسن منك ..
و اللي مصاحبك عشان تبقى عامل زي جهاز التسجيل... يتكلم معاك في مشاكله .. بس انت ما تتكلمش معاه في مشاكلك..
و اللي انا حسيت انه كويس بس للأسف نفض لي و عمل فيها لطيفة و قال :
" انا حواليا كتير .. مش ناقصاك انت كمان يا عم الامور"
و اللي تكتشف انه اخلاقة زبالة .. و معندوش قيم و لا مبادئ .. واحيانا معندوش دين
و اللي
و اللي
كتير اوي من النماذج اللي مش كويسة ...
و دلوقتي و من كام يوم بس بقيت بأحاول ارجع لهم من تاني... و لما رجعت لهم لقيتهم لسة زي ما هما
جدعان طيبين .. اوي اوي... و قلوب مليانة خير

انا أول ما معت أغنية :" أجدع صحاب صحابي من صغري" قلت لواحد صاحبي كان قاعد معايا :
" ايه العبط ده .. "
دلوقتي بجد عرفت قد ايه الجملة دي صح
معايا على الأقل...

و كان نفسي اسألكم سؤال...
هو انتوا برضوا حاسين ان اجدع صحاب هما اصحابكم و انتوا صغيرين؟؟؟ و لا أ،ا بس اللي كده

events that happened on my birth day

source : facebook

Here is a list of all events which occurred on your birthday, October 25th. Only a small sample
of these will be randomly picked to show on your wall due to the potential size of this list. If you don't receive any results, check your birthday carefully. Enjoy and here is your list!

1986 - Ahmed Abu-Deif Was Born!
1400 - Author Geoffrey Chaucer dies in London.
1415 - Battle of Agincourt Welsh longbow defeats the armored knight
1671 - Giovanni Cassini discovers Iapetus satellite of Saturn.
1675 - Iapetus moon of Saturn Discovered by Giovanni Cassini
1760 - George III ascends the British throne.
1825 - Erie Canal opens for business in NY
1854 - The Light Brigade charges (Battle of Balaklava) (Crimean War)
1903 - Senate begins investigating Teapot Dome scandals of Harding admin.
1930 - 1st scheduled transcontinental air service began
1960 - 1st electronic wrist watch placed on sale NYC
1962 - Stevenson demands USSR amb Zorin answer regarding Cuban missle bases saying "I am prepared to wait for my answer until hell freezes over
1971 - UN General Assembly admits Mainland China & expels Taiwan.
1971 - Roy Disney dedicates Walt Disney World
1975 - USSR Venera 10 made day Venus landing
1983 - US invades Grenada a country 1/2000 its population.
1984 - Rangers beat Devils 11-2

تماحيك موهبة

قرأت في إحدى مجلات الكمبيوتر التي تسمى " ويندوز"... في باب الأخبار قرأت عن شكوى أحد متصفحي موقع " أمازون" .. الشكوى بخصوص أنه كانت هناك مسابقة قد أقامتها ادارة الموقع.. و الجائزة عبارة عن LAP
TOP حديث ...
مرسل الشكوى شارك ولم يكسب في تلك المسابقة ... وليس هناك تواطؤ في المسابقة .. ولكنه لم يفز..
أرسل الشكوى يقول فيها:" كنت أتمنى أن أفوز بتلك المسابقة.. فأنا أحتاج لكمبيوتر دفتري ( يقصد اللاب توب).. أحتاجه كي أؤلف المزيد من القصص .. وليس أي قصص.. القصص الملحمية.. أحتاج له لأني لا استطيع الكتابة بصورة جيدة على الورق.. افكاري تكون مرتبه اكثر على الكيبورد.. و أحتاجه كي أكتب في أي مكان.. ولكن للأسف لقد حرمتني ادارة الموقع من هذا"

من رأيي ان هذا الشخص لا يملك موهبة .. فمن يحب الشئ لا يقف أمام عقبة تافهة كهذه..
الشخص الموهوب الحقيقي لا يمكن أن يكبت إبداعه بداخله بسبب أنه لم يفز باللاب توب.. شئ غبي لا يصدق في الواقع..
و أمثاله الكثيرين... ممن يحبون أشياء ويظنون أنهم بمجرد حبهم لتلك الاشياء اصبحوا مبدعين فيها..
ذات مرة قال لي صديق:" أنا بأعرف أكتب قصص "
قلت له :" وريني"
كتب وقال:" كان هناك شاب يحب الصلاة ومواظب على الفروض كلها و...."
ثم ناداه احد الاصدقاء فرمى الورقة والقلم ونسى أمر القصة تماما
تأمل معي بداية تلك القصة ...
" كان هناك شاب يحب الصلاة ومواظب على الفروض كلها و...."
بالله عليكم دي بداية قصة؟؟
و لكنه حتى الآن مازال يعتقد ان كتابه القصص امر تافه .. وأنه من الممكن أن يؤلف بصباع رجله الصغير

عين واحدة للبيع

اذا اردت معرفة قيمة شئ ما .. عليك بفقده
أنا مثلا.. حين أكتب لا استخدم اصبعي الخنصر .. و لكني بلا شكل أريد أن أجده في مكانه.. و لا أتمنى زواله .. مع أنني من الممكن أن أكتب بدونه و آكل أيضاً.. و اشياء كثيرة ممكن ان افعلها بدونه
صحيح ربما أجد صعوبة .. ولكن الأمر ليس مستحيل
و لو حاولت أن تقطع اصبع اي شخص عنوة .. سيتشاجر معك و ربما يذهب بك لقسم الشرطة
قبل أن تعتدي عليه لم يكن يفكر في اصبعه
عندما اعتديت عليه .. شعر بمدى حبه لاصبعه.. و بأهميته ..
عندما شعر بخطر عليه سيؤدي لأن يفقده
بالضبط كما تكون متضايق من والدك .. و لكن حين يحدث له مكروه فإن قلبك يخفق خوفا عليه ..

**********
**********

أعضاء الجسد كالأبناء تماما.. لا يمكن أن تجد أب يريد التخلي عن ولده .. حتى لو كان فاشل غير ذي قيمة ..
أتكلم بالطبع عن الآباء الأسوياء.. الآباء الطبيعيون..
فمن الآباء من يبيع الأبناء.. من أجل المال .. و هناك حادثة قريبة مشابهة
ولو طبقنا فكرة بيع الآباء للأبناء.. فإن الامر موجود أيضا في موضوع أعضاء الجسد
السؤال هو :
هل من الممكن أن يبيع الانسان جزء من جسده مقابل المال؟
الواقع يجيب عن هذا السؤال.. بالفعل يوجد هذا ... هناك تجارة في الاعضاء منتشرة في العالم كله

لو سألتك أنت .. و قلت لك :" هل من الممكن أن تبيع عضو من اعضاءك ؟
الاجابة التقليدية هي :
" لا يمكن بالطبع و لا كنوز الدنيا تعوض الانسان عن جزء من جسده يفقده مهما كانت عدم اهميته"
تلك هي الكلمات التقليدية التي تقال في مثل هذه الاشياء
و لكن لكي نكون منصفين.. فلا بد أن نسمع للجانب الآخر
للجانب الذي يبيع.. و يوافق على البيع
الجانب الشاذ ..
ثم نقارن بين ما نرى و ما يرون
أتذكر في فيلم محمود عبد العزيز " جري الوحوش" .. عندما سأله شخص ما و قال :
" ممكن تفرط في عين من عينيك بكنوز الدنيا؟؟"
قال : طبعا.. و ليه لأ
- و عينك هتعوضها ازاي؟
- الفلوس هتعوضني عن عيني.. و اللي مش قادر أشوفه بعينيا الاتنين .. هأقدر اشوفه بعين واحدة
..
كلام شاذ.. ولكن به الكثير من المنطق..
و على الرغم من غرابة المنطق.. الا انه منطق.. كونه غريب لا ينفي انه منطق
و مقنع ايضا..
هذا الرجل فكر .. وطرح على نفسه سؤال..
و هو سليم يعيش في ضنك.. و حياته بائسة
و هو ناقص عضو من الأعضاء.. يعيش في حياة رغدة..
و لا سيما ان العضو الذي سينفصل عنه ليس عضو مميت.. اي بفقدانه يفقد الانسان الحياة .. او يفقد الصحة
انها عين ... عين واحدة فقط..
لو قلنا انه سيحرم من نعمة البصر.. و يأخذ المال.. فالأمر بالطبع لا يستحق النقاش.. ونعمة البصر حقا لا تقدر بمال
فما فائدة ان يكون معي ملايين .. ولا استطيع أن ارى حتى اولادي و لا زوجتي ولا حتى استطيع الذهاب لاي مكان وحدي..
و لكنها عين واحدة .. و الأخرى ستتكلف بالباقي..
سيحدث بعض القصور.. و عين واحدة ترى ليست بالطبع افضل من عينين..
ولكن كما يقول المثل " نصف العمى و لا العمى كله"
و لو تكلمنا في الشكل الجمالي.. فمن الممكن ان يضع عصابة على عينه المبتورة..
سيصبح شبيها للقراصنة في العصور الوسطى..
ربما هناك حل آخر
في فيلم توم كروز الأخير valkery كان توم كروز يضع عين بديلة .. و كانت شبيهة الى حد كبير بالعين الحقيقية ..
مشكلة الشكل محلولة ..
و كذلك الحال بالنسبة للاعضاء التي لها بديل .. و لكن بالطبع لن تجد من يبيع قلبه .. الا اذا كان يعيش في دور شهيد الغرام مثل فيلم ويل سميث seven pounds عندما تبرع بقلبه لحبيبته
خلاصة الامر ان امر قبول الشخص لبيع عضوه قابل للنقاش
و على حد علمي ان حرمة بيع الاعضاء فيها اختلاف.. و ان كنت نفسي اميل بقلبي الى انها حرام ..
و لكن هذا لا يمنع من كوني ارى ان اي شخص لو باع ... فهو ليس مجنون
انه له منطق..
و منطق مقنع ايضا

الحكمة ملهاش كبير

مفيش حد في الدنيا دي معندوش شئ من الحكمة .. مهما كان تافه..
المثل بيقول :" خدوا الحكمة من افواه المجانين" .. و الله ساعات مجانين بتقول كلام فيه حكمة
ليا واحد صاحبي .. ابيض القلب.. شهم و مرح و طيب و جدع و.. و.. فيه من الصفات و الخصال الطيبة الكثير..
و من اقرب الاصدقاء لي.. الا انه ابيض الفكر... سهل الاقتناع باي كلام لاي شخص..
صاحبي ده مرة كنا بنفكر في مشروع كده و كسلنا نعمله .. و مرة تانية فكرنا في حاجة تانية و كسلنا برضه..
جه صاحبي ده و قال لي :
" هو احنا ليه دايما نفسنا قصير اوي كده"
الكلمة دي محدش عارف قد ايه علقت معايا... على الرغم من انه مش بيقول حكم و لا ليه فلسفة في الحياة محددة ..
الكلمة دي كل ما يحصل موقف اني اكون ناوي اخش في حاجة جامد و بعدين اكسل افتكر كلمة صاحبي دي ..
الحكمة ملهاش كبير...

أتجوزي من بعدي يا حبيبتي

اتمنى من كل رجل حين يموت ان يوصى زوجته بان تتزوج..
و من كل امرأة أن توصي زوجها ان يتزوج
لا داعي لكلام من طراز :" أنا باقي على العهد"
لا بد ان ندرك كلنا ان الانسان عندما يموت ينقطع عن الحياة
لو مت أنا فلن يضيرني في شئ أن تتزوج زوجتي ولو بعشرات الرجال ( على التوالي طبعا!)
لن يصل لي الخبر.. وان وصل .. فهي لم تصبح زوجتي... هذا غير اني اصلا في عالم غير العالم ...
انا اؤمن بشدة بمبدأ " الحي أبقى من الميت ".. أؤمن بمضمونه ..
فالزوجة ليس لها أن تعيش بدون رجل ... ليس لها ان تغلق على نفسها الحياة ... لا أقول ان تسعى لخطب ود الرجال
ولكن عليها ألا تنغلق على نفسها وعيالها
الرجل في الواقع اكثر تحرر من المرأة في هذا الأمر .. لأن الرجل يحب دوما ان تكون هناك امرأة في حياته ولا يطيق البعد عن النساء...
على المرأة والرجل أن يدركا جيدا ان من يموت فقد انتقل لعالم آخر ..
لا اقول ننساه
ولكن لا بد ان نعتبره غير موجود

عندما تحاول ان تكون جديد و مختلف

عندما تحاول ان تكون جديد و مختلف فأنت امام امرين لا ثالث لهما:

الأول: أنك تصبح رائد التجديد عند الناس.. و يقولون عليك مختلف و جامد جدا

الثاني: أن يشعر الناس أنك جئت بشئ شاذ او ممل و ينفرون منه ...