مفيش حد في الدنيا دي معندوش شئ من الحكمة .. مهما كان تافه..
المثل بيقول :" خدوا الحكمة من افواه المجانين" .. و الله ساعات مجانين بتقول كلام فيه حكمة
ليا واحد صاحبي .. ابيض القلب.. شهم و مرح و طيب و جدع و.. و.. فيه من الصفات و الخصال الطيبة الكثير..
و من اقرب الاصدقاء لي.. الا انه ابيض الفكر... سهل الاقتناع باي كلام لاي شخص..
صاحبي ده مرة كنا بنفكر في مشروع كده و كسلنا نعمله .. و مرة تانية فكرنا في حاجة تانية و كسلنا برضه..
جه صاحبي ده و قال لي :
" هو احنا ليه دايما نفسنا قصير اوي كده"
الكلمة دي محدش عارف قد ايه علقت معايا... على الرغم من انه مش بيقول حكم و لا ليه فلسفة في الحياة محددة ..
الكلمة دي كل ما يحصل موقف اني اكون ناوي اخش في حاجة جامد و بعدين اكسل افتكر كلمة صاحبي دي ..
الحكمة ملهاش كبير...
عشان بنفقد الامل بسرعه ...ومش زى اهالينا كانوا ومازالوا بينحتوا فى الصخر ..:)
ردحذفمش لوحدكم معظمنا نفسه قصير لان الزمن بقي غير الزمن لكن المفروض العكس اللي يحصل ان نفسنا احنا يبقي اطول من اللي قبلينا
ردحذففعلا الجملة تحفة اوى
ردحذف