دايما في معظم الأفلام بطل الفيلم لما يكون الجامد جداً بيشرب سجاير...
لما يحب يفكر بيشرب سجاير... لما يكون حزين بيشرب سجاير..
المؤلف لما ييجي يكتب قصة يشرب سيجارة في ايده الشمال ويكتب القصة بإيده اليمين
رجل الأعمال وهو بيتكلم مع الشركاء أو العملاء بيشرب سيجار ..
البطل بياخد النفس ويطلعه في وش حبيبته عشان يؤكد لها انه صايع ومفيش منه 2
الكثير من الأدباء يشربون السجائر.. حتى انني سمعت ذات مرة مقولة تقول :" السجائر خبز المثقفين"
أيضاً العبقري يصوروه كثيراً ما يشرب البايب..
سمة من سمات الظابط سواء مخابرات او شرطة او حربي أو أو.. ان يكون مدخن.. و مدخن شره كمان
كل الحاجات دي خلتني بأفكر كتير في السجاير .. بس مش بأشربها
و ان شاء الله مش هأشربها بس مش عارف ليه حاسس انها بتعمل منظر
يعني بقيت لما بآجي اشتغل بأحط القلم الرصاص في بقي وأمسكه بإصبعي السبابة والوسطى
و كل شوية أخرج القلم من بقي وأنفخ هوا
بأحس ساعتها إني بأفكر احسن
نفس الكلام لما بآجي أكتب حاجة ( أصلي بأحب اكتب)
المشكلة ان حواليا كتير اوي مدخنين وعمالين يدعوني للتدخين
الله يمسيه بالخير زميلي في الشغل دايما يقول لي :
" أشرب سجاير تبقى برنس
"و الله بقيت حاسس إني ممكن أضعف لو الاغراء زاد
و مش عارف أعمل ايه عشان اخرج الاوهام دي من دماغي
حدش عنده حل؟؟ :(
كتبته في حكاوي الزعفرانة في 28-2-2009
حدش عنده حل؟؟ :(
ردحذفالسجاير حرام شرعا :huh:
قريت الفتوه دى ولا نبعت نجيب اللينك :D
السجاير ليها فوايد كتير يا احمد اهمها انها بتساعد علي التركيز ومنبهه يعني مثلا لو بتزاكر الحاجة اللي تخلصها في 3 ساعات السجاير تخلصهالك في ساعه لكن اضرارها بقي مقولكش الاعلام مغطيها كفايه سرطان الرئه وتصلب الشرايين ويابني الشخص المدخن بيسقط من نظر ناس كتير قوي وخصوصا لو رايح يتقدم لبنت اهلها وهي ساعات بيعترضوا عليه بسبب النقطه دي
ردحذفمتضعفش ياعم ولا نيله دي حاجة مقرفه ملهاش اي لازمه غير انها عاده زباله لما تتعود عليها صعب جدا تبطلها وهتبقي كانك حاطط شكمان عربيه في بوقك وعمال تشم وتاخد نفس
انا صحاب ليا بيدخنوا بس بحكم مهنتي وبحكم اللي اتربيت عليه واتعودت عليه انا الحمد لله مهما حصل عمري م حطها في بوقي ولا بقدر اقعد وحد جنبي بيدخن صدري بيتعب
خد بالك يابني من اصدقاء السوء دول هههههههههه
mona: عارف انها حرام.. بس للأسف مش مجمع على حرمتها
ردحذفdr . dead : على فكرة ... انا مش شايف موضوع ان فيه بنات بيرفوضوا عرسان عشان التدخين.. ماشفتش الموضوع ده خالص في حياتي يا ديد!!! انت جبته منين؟!
قرايبي يابني وكمان البنات عندنا في الكليه واسلوب تفكيرهم كده ولو عملت موضوع في المنتدي هتشوف النسبه اللي بتكلم عليها دي :)
ردحذفوالله انت ربنا يصبرك ويعينك
ردحذفاصل انا عندي نفس الحاله
انا عندي حل:
بس حاول تفكر في حاجه تانيه زي الشيشه مثلا
طبعا انا بهذر
بس في حاجه انا مقتنع بيها ان السيجاره العاديه بتكون طريقك للادمان وخلافه
وده اللي مخليني باعد عن السجاير
انا عندي تعليق واحد بس .. ان اكيد الطبقه المثقفه (( زي حضرتك)) مش اي حاجه تأثر فيهم .. حتي لو الكون كله بيعملها .. لسبب بسيط وهو انهم بيحللوا كل حاجه و يعدوها علي مخهم قبل ما يعملواها .. ويشوفوا الفايده منها .. وهل هي تتطابق مع ماتعلموه ولا لاا .. بس
ردحذفزيكو: منور المدونة يا أخي الفاضل :)
ردحذفالثلوج الدافئة : أول تعليق :D
اكيد طبعا انا مش هأشرب ان شاء الله.. بس انا كاتبها على سبيل التفكير.. ان السجاير مرتبطه في حياتنا برموز حلوة .. العبقرية الذكاء .. الخ
طبعا الفكرة غلط.. بس للأسف هي فكرة شائعة ..
شبيهي في الاسم و التفكير ^_^
ردحذففعلا الظباط بشكل عام بيشربوا السجاير كتير اوي .. مش عارف ايه العلاقة بالظبط .. بس مش مقتنع انها بتساعد على التفكير ..