ملحوظة : الكلام ده كتبته من فترة بس حابب أكتبه تاني .. عشان انا حاسس الكلام ده مهم جداً.. وتطبيقه يفرق كتير مع الانسان
تحب أقول لك نصيحة؟
هأقولك وأمري لله ( وأهو كله بثوابه)
بص يا سيدي..
أوعى تتكلم مع حد مش بيسمع لك كويس
يعني إيه..
عشان تفهمني هأحكي لك موقف…
كنت ماشي مع واحد صاحبي…
كنت شغال أتكلم معاه وأقول:
" عارف يا واد يا أحمد؟.. الحياة ليس فيها راحة أبداً… كتب الله على الإنسان الشقاء..
أنا حاسس إني عمري ما هأرتاح أبداً ……" ( والكثير من الكلام)
و بعد أن وضحت له فكرتي نظر لي ببلاهة وقال:
" هي الساعة كام؟"
قلت له :
" الساعة 3 … إنت رأيك إيه في اللي قلته لك؟"
نظر لي وهو يتثاءب ويضحك من بسخرية:
" معلش.. أصلي مش مركز معاك"
تكرر هذا الموقف مع كثير .. وليس موقف عابر..
شعرت وقتها أني ألقيت كلامي في صندوق قمامة..
بالضبط كأنك تشرب عبوة ( الكانز) ثم تلقيها ..
و شعرت بالغيظ والحسرة …
شعرت أنه لا يعتبر رأيي مهماً أو ذو قيمة
وأن كلامي معه كان تحصيل حاصل
و يا خسارة التعب في التفكير ..
كنت أظن أنه سيحاورني ويختلف ويتفق معي ونتناقش.. ويحترم رأيي وأحترم رأيه
ولكنه للأسف خذلني
و بالمثل حين تكتب موضوعاً على منتدى ما ثم لا تجد رداً عليه…
خصوصاً إن كان الموضوع غير منقول..
تجتهد فيه و تتعب ..
ثم لا تجد ردا..
و كذلك المؤلف حين ينشر كتاباً.. به الكثير و الكثير.. وأسلوب الكتاب جميل
ثم لا يجد أحد يقرأ الكتاب..
كل هذا من يندرج تحت باب:
" كلام ملقى في القمامة"
و هو شئ ربما يغفله الجميع ..
فنحن الآن ربما لا نعاني من أزمة متكلمين..
بقدر ما نعاني من ازمة سميعة ..
على سبيل المثال.. المنتدى..
هناك بعض الأعضاء في كثير من المنتديات .. لا يفعلون شيئاً إلا كتابة المواضيع… ولا تجد له رداً إلا في النادر..
فهو لا يريد أن يقرأ لغيره.. بل يريد أن يكتب ويكتب ويكتب…
فهو يلقي بكلام الآخرين في الزبالة…
********************************
********************************
فنصيحة ليك .. أقفل بقك مادامت عارف إن اللي قدامك مش هيسمعك لإنك مهما كلمته في شئ مهم هينظر لك ببلاهة ويقول:
" هي الساعة كام؟"
حفاظاً على كرامتك
وكرامة رأيك
وحتى لا تلقي بكلامك في صندوق المهملات
انا بطلت اشتكى لحد او احكى لاى حد عن الحاجات اللى بتحصلى
ردحذفدايما احكى ويقولولى معلش
الكلمه اللى بكرها بكرها بكرها
بس ممكن كمان يكون اللى قدامى مش ناقص يعنى انى ازيده حكى او مشاكل
فين الخيار والبطيخ !!!
انا بحاول ما احرجش اللى قدامى ايا كان وببدى دايما اهتمام باللى بيتقال حتى لو كنت هموت واخليه يخلصه
ردحذفالمشكلة انى بسبك الدور اوى لدرجة انه بيفتكر انى مستمتع بالكلام ويروح يطول بقى ويحكى بزيادة !!!!
هههههههههههههه هو معاك حق
ردحذفبس انا عموما مش اي حد بحكيلو وباخد رايه وبناقشه في ناس بيبقي وااضح عليهم عدم النضج او ان تفكيرو مش مناسب اي حاجه بتدلني ان الشخص ده رايه مش يهمني اكيد وفي ناس اصلا بتكون ملت من الحواروالكلام فانا بختار الوقت المناسب
تحياتي لحضرتك موضوع لذيذ
هههههههههههههههه
ردحذفاه حصلت كتيـــــــر في الاول كنت بقول اكيد المشكله ملهاش حل او الفكره مش واصله اوي. عشان كده مبتحبش تتناقش معايا فيها لكن لما الموضوع اتكرر بقيت بنقى الناس اللي فعلا مهتمه بتفكيرك او مشكلتك او اين كان اللي بتتكلم عنه
مش شرط حضرتك ان الكلام يشد انتباه الجميع ويعجبه !
ردحذفبجد بوست محترم جداً، خاصة إني إتعلمت الدرس ده و مبقتش أقول رأي في حاجةإلا لو إتسئلت عن رأيي و مبسوط إن فيه حد له نفس الرأي، أول مرة اشوف البلوج بتاعك بس مش هاتبقي آخر مرة.
ردحذفhave a good one.
اكيد بيقى شئ يضايق جدااااااا ان لا تجد تقدير ليك او لمجهودك وفكرك ..
ردحذفولكن ليه متتصورش ان العيب فيك اكتر ما هو فيهم ..
لما تكلم حد او لما تكتب موضوع فى منتدى .. ,
ليه متفترضش ان انت اللى اغفلت طبيعه اللى بتكلمه واغفلت الطريقه المثلى للتعامل وتوصيل فكرتك ليه ..
مش ممكن تكون تملك من الافكار الشئ الجيد ولكن تغفل الاسلوب المناسب للفئه الموجه ليها فكرك ..