انا نفسي أنجح في الشغل بتاعي... نفسي أكون فيه top
ونفسي أتجوز بنت الحلال ونجيب أحلى عيال ونربيهم أحسن تربية ونعيش عيشة 100%
نفسي كمان أحقق بجوار طموحي المهني .. طموحي في الكتابة ..
إني اكتب وناس كتير تشاركني أفكاري .. مش مسألة فلوس يعني
نفسي كمان اكون مثقف جداً جداً .. مش عشان حاجة أكتر من أني ما أكونش بطيخة .. انسان لا يفقه شئ في الحياة
نفسي أكون متدين ... عارف ربنا .. بأعبده كأني أره
نفسي .. ونفسي .. ونفسي
نفسي كل شئ يبقى تمام....و لكن!!
زي ما كلنا عارفين الحكمة الأبدية منذ أن خلق الله الأرض ومن عليها :
" محدش بياخد كل حاجة في الدنيا "
ودي حقيقة ..
عشان كده أكيد لازم هتنقصني حاجة من الحاجات دي
بس يا ترى بقى هي إيه؟؟؟؟؟؟؟
بالنسبة لي كل الحاجات دي لازماني جداً جداً... مش عاوز أي حاجة منهم مش عندي
بس مضطر أرضى باللي ربنا هيقسمه لي...
اللهم إني لا أسألك رد القضاء ولكن أسألك اللطف فيه :(
يا رب نقصني في حاجة مش مهمة أوي
احم احم اول رد
ردحذفحضرتك فكرتني بواحده صحبتي كانت ديما تقول
الانسان بياخد من الدنيا 24 قيراط
يا هياخدهم في صحته يا في ماله يا في اولاده يا في عافيته ... الخ
وانا مؤمنه بده بس خلي عندك يقين ان ربنا مش هيختار ليك حاجه وحشه ابدا وانو ديما بيرزقك بالخير لانو علام الغيوب
تحياتي ومنتظره منك كل جديد
ريهام العربي :انا باشكرك للغاية على تفالعك ده مع المدونة وتفاعلك معاها وربنا يكرمك يا رب
ردحذفبس ايه حكاية تدقيق الكلمات دي انا مش عارفها ؟؟
عارف انا دايما بقول يارب م تنقصنيش برضوا في حاجة جامده واتمني انها تكون القرايه والثقافه اكتر من الاولاد والحياه والدين
ردحذفوفعلا ربنا يبيقسمها زي م هو عاوز يا كده يا كده بس للي يستحق يا احمد مش لاي حد
Dr Dead:
ردحذفاحبطتني :(
ليه بس
ردحذفيا احمد ربنا مش هيدي الظالم المفتري ولا الصايع المتشرد ولا القاتل الدين
يمكن يديهم الفلوس والدنيا لكن بيخسروا الاخره
وربنا عمره م بيظلم حد
عارف انا حاجات كتير قوي بتحصل والله بحس انها عقاب منه و بيخلص مني فيها و بقول طيب الحمد لله ويارب يكون بيشيل مني في الاخره
خساره ناس ولا مجهود و لا ولا ولا و مين عارف يمكن شايلهالي قدام في شغلي ولا جوازي ولا ولادي
زي م بقولك ربنا مش بيظلم وبيقسم الارزاق بس للي يستحقها
فعلا انا مع كلام ديد حرف حرف :)
ردحذفوبعدين مفيش حد كامل ومحدش بياخد غير نصيبه
----------------------------------
اما بقي بالنسبه لتدقيق الكلمات ف ده كلمات بنكتبها عشان التعليق يظهر ورخمه قوي واحيانا بتغلس معايه والله اعلم بقي بتعمل كده مع الباقين ولا لا
لو عاوز تشيلها ادخل عند Settings وبعدين Comments
روح للسؤال ده
Show word verification for comments?
الخيار ده اعملو no
وبس :D
" بس مضطر أرضى باللي ربنا هيقسمه لي"
ردحذفوهو ده المهم بس ليه نكون مضطرين !!!!
مضطرين يعنى مش راضين ومش راضين يعنى بنحلم بحاجه احسن لينا ..
لكن مين قالنا ان الاحسن من وجهه نظرنا هو فعلا الاحسن لينا؟؟؟!!!!
ربنا زى ما خلقنا فهو ادرى بنفوسنا وخبياها اكتر مننا مش كل اللى بنعبر عنه بيعكس رغابتنا واحتياجتنا الحقيقيه ..
وغالبا ده اذا مكنش اكيد ان اللى بناخده حتى وانا بدى لينا فى البدايه مش هو ده اللى عاوزينه او حتى مش من اولاويتنا بيكون هو ده اللى يناسبنا ومن جوانا مش محتاجينه فعلا بس ربما لم نتمكن من فهم انفسنا بشكل صحيح بعد ..
ويمكن ده بيكون اعاده توجيه من ربنا للى بنحبه ويناسبنا فعلا مش اللى توهمنا اننا حابينه ..
اسفه اذا كنت اتكلمت كتير او كلام ملوش معنى بس اصل الفكره دى كانت بتراوضنى من فتره _وان كانت بشكل مختلف نسبيا_ وما صدقت اتكلم ..