اوحش حاجة بجد ان الانسان يعيش في وهم و يقعد فيه فترة طويلة مش فاهم انه موهوم...
بالذات في مسألة مثل الموهبة ... ممكن انسان يظن انه موهوب في شئ ما .. و انه خلق من اجل ان يبدع في هذا المجال.. و هو في الحقيقة يصلح لأي شئ آخر الا هذا الشئ
انا مثلا بأحب اكتب.. بس في الواقع خايف اكون موهوم.. و عشان كده بيهمني جداً أني أعرف اذا كنت موهوب و لا بيتهيأ لي
بمناسبة الموضوع ده فيه فيلم اسمه Ed Wood بطولة المبدع Johnny Depp..
الفيلم ده اصلا فيلم عن قصة حياة أسوأ مخرج في تاريخ امريكا.. و من منحه اللقب هو عن طريق تصويت قاموا به.. و للعجيب انه اكتسب شهرة و معجبين بسبب فشله..
زي مثلا لما واحد اشتهر بأنه بيقول نكت بايخة.. فالناس تضحك على عبطه وليس على طرافة النكت بتاعته
المخرج اسمه Ed Wood.. الراجل ده كان مخرج فاشل بكل ما تحمله الكلمة من معان.. لا يفقه شئ في الاخراج.. و برغم كده عاش طول عمره في دور العبقري.. و عمال يعمل في افلام فاشلة للصبح
و مات سنة 1978 و هو لسة فاشل..
بجد واحد زي ده كيف لم يشعر طوال تلك المده انه فاشل....
لا اعرف ان كان هذا هو الغباء ام العند
و ربنا ما يكتب علينا أن نعمى عن حقيقة انفسنا مثل هذا الرجل
بتفكرنى بقصة قريتها فى ميكى جيب زمان كان بطوط بيحاول يفوز بجايزة اسوأ لاعب بولينج ومعرفش فى الاخر و اضطر يكون تانى اسوأ لاعب بولينج
ردحذفالقصة ظريفة جدا .. بجد :D
بخصوص الفيلم .. الحقيقة مشفتوش
بس انا عندى دايما وجهة نظر ان العظماء او الموهوبين بجد هما غالبا مش بيبقوا حاسين بمدى موهبتهم .. الخليل ابو احمد الفراهيدى ماكانش بيبقي شايف نفسه ذكى .. دا شايف الناس هى اللى فهمها ابطأ من اللازم
بس دا ميمنعش ظهرو عباقرة مغرورين وحاسين بقيمة نفسهم زيادة اوى .. لدرجة تنفير الناس منهم
لكن مش عارفة ليه بحس ان الموهبة لا تكتمل الا بالحاجة دى .. الجهل بمدى وجودها
بس انا لجزء كبير عارف بوجودها .. لكن مش مغرور بيها يعنى وحاسس ان مفيش منى
حاسة انى مش عارفة اوضح وجهة نظرى بالظبط .. دا غير ان دا بعيد عن اللى حضرتك بتقوله :D
(( بجد واحد زي ده كيف لم يشعر طوال تلك المده انه فاشل....
ردحذفلا اعرف ان كان هذا هو الغباء ام العند ))
طيب مش يمكن فى احتمال تالت
هو ان كان فى مضللين ومجاملين زياده عن اللزوم محيطيين بيه
وزودوا من الوهم ده جواه
ويمكن اساسا ملقاش اللى يقوله بموضوعيه انه غير موهوب ولا يصلح للمجال اللى اختاره ده
كتير ناس مش بتبقى عندها الموهبه دى _ اى ان كانت _ ومجامله الغير بتضيعهم
او ناس تانيه بيكون فعلا عندها بادره شئ كويس
لكن برضه المجاملات والنقد المضلل يوجهه بشكل غلط ويقتل حاجه كويسه كان ممكن استغلالالها اذا اتوجهت صح
جوسيان: بخصوص بطوط .. فبجد ده المتوقع منه d:
ردحذفبطوط اصلا نحس من يومه
بس بالنسبة لموضوع ان الانسان الموهوب لازم يكون مش عارف انه موهوب.. فالحقيقة ده ممكن بس مش قاعدة .. فيه مثلا ناس كتير بأحسهم عارفين انهم موهوبين و بيكونوا فعلا كده
لونلي جيرل: او اللي حواليه سذج زيه مش فاهمين يعني ايه موهبة
جاليليوااتعدم عشن اكتشف ان الارض كروية
ردحذفعهادي يعني
تلاقية كان فاكر نفسه عبئري
المهم انه مات و هوه مستريح
سلام عليك
حلوة عبئري دي :D
ردحذففي الجون يا معلم ..
ردحذفبس ممكن بشوية تفكير تقارن بين نفسك وبين الناس اللي زيك وتكتشف الحقيقة المرة :D