الطبيعي ان الواحد يكتب فكرة او موضوع او شعر او خاطرة أو.. أو ...
ثم بعد ما يخلص يختار عنوان لما كتب...
لكن يحصل ايه لو جربت تكتب العنوان الأول قبل الفكرة نفسها ؟؟
مرة قرأت للكاتب أحمد خالد توفيق رد على إحدى الرسائل من القراءيسأله فيه القارئ عن قصة اسطورة الكاهن الأخير فقال:
" في الواقع ان قصة اسطورة الكاهن الأخير فكرتها جائت عندما كنت جالساً مع نفسي .. سألت نفسي " لماذا لا أؤلف قصة بعنوان اسطورة الكاهن الأخير؟؟" ثم شرعت في كتابة القصة ..."
في الواقع تعجبت .. فأنا تماما كما يقول احمد خالد توفيق
كتير من الاشياء اكتب عنوانها قبل أن أفكر في فكرتها
ففي منتدى حكاوي الزعفرانة كثير من المواضيع كانت فكرة عنوان قبل أن تكون فكرة في الحياة
..
و السؤال الآن...
حد فكر يكتب عنوان قبل ما يكتب فكرة ؟؟؟
لو حد جرب أكيد هيلاقي شعور جميل جداً
اللي قرأ يجرب ويدعي لي ....
bloğun çok ilginç geldi
ردحذفanlamayı gerçekten isterdim:),
؟؟؟
ردحذفانا كتير بكتب العنوان قبل البوست
ردحذفعندك اخر بوست ده كاتب عنوانه قبل المحتوي و المحتوي كتبته وقتي يعني بعد العنوان علي طول وحطيته في البلوج
عارف بتبقي اجمل لما بتكتب الفكره وتحطلها عنوان لان العنوان الاول ساعات كتير بيقيدك في الكتابه والمحتوي علي عكس لو كتبت المحتوي الاول بتفصل عليه العنوان اللي يعجبك
هو احيانا بكتب العنوان الاول وفي احيان تانيا بكون عاوزه اتكلم عن مضمون معين ومش عارفه ازاي اعبر عنه فبحط ليه عنوان وبختار ليه صوره تناسبه ومن هنا ببدا اكتب ونااادر قوي لما بكتب موضوع او بوست وبعدين ارجع اسميه
ردحذفبس لما بكتب قصه في معظم الاحيان بيكون العنوان اخر حاجه لاني مش بكون عارفه النهايه ولا الاحداث هتمشي ازاي هي بتيجي لوحديها وبيكون اختياره صعب نوعا ما :)
الموضوع ده بيحصل فعلا ساعات
ردحذفبتكون عايز تتكلم في موضوع معين .. وبتكون فكرة الموضوع هي العنوان .. وبتبدأ ترص افكارك تحت العنوان ده .
وممكن تتعمل برضه في القصص زي قصة احمد خالد توفيق .
تقبل مروري وتحياتي .