من أكثر الأشياء التي أنا فاشل فيها :
" مداعبة الأطفال"
فاشل فيها بدرجة أمتياز مع مرتبة الشرف
:(
فاشل أصلي.. فاشل كبير .. آخر مرة على سبيل المثال..
جاء صديق متزوج المنزل عندي... وجاء بأبنته عندها سنة ... بنت أمورة جداً وحلوة جداً :)
قال لي صاحبي: " سلم على نورا يابني "
بعبطي مديت إيدي للبنت اللي عندها سنة وقلت لها إزيك ... ( عبيط أنا مش كده )
قال لي : " أيه يابني مالك ... مش بتعرف تلاعب الأطفال ليه ؟؟ أمال لما تتجوز هتعمل إيه؟؟"
قلت له :" ساعتها ربنا يحلها من عنده بقى "
مش بس الموقف ده.. ده نقطة في بحر...
انا مرة ركبت الميكروباص طلعت بنت صغيرة مع مامتها عندها 4 سنين تقريباً...
كانت واقفة في الميكروباص عشان مفيش مكان ...
كانت بنت أمورة أوي.. أوي أوي.. بصت لي وضحكت....
نفضت لها تماما... قربت مني ... بصيت من الشباك ونفضت لها برضه...
وكل شوية تقعد تعمل حركات عشان تلفت انتباهي ..
وأنا برضه منفض لها... بصراحة كان نفسي ألعب معاها بس مش بأعرف :(
كل اللي نفسي أعرفه .. هو أنا كده شرير وقاسي ؟؟؟ و لا فيه كتير كده!!!!!
أنا خايف ابني لما يتولد يكرهني اكمني مش بأعرف ألاعبه ويحب امه اكتر مني..
سلم يا رب :(
نفضت لها تماما... قربت مني ... بصيت من الشباك ونفضت لها برضه..
ردحذفههههههههههههههههههههههههههههه
بكره تعرف
أصلك ما تعرفنيش :(
ردحذف" أيه يابني مالك ... مش بتعرف تلاعب الأطفال ليه ؟؟ أمال لما تتجوز هتعمل إيه؟؟"
ردحذفِدايما بتتقالي
:huh:
ردحذفevra: يعني الحال من بعضه يا صاحبي :(
ردحذفأحمد عبد الفتاح: مالك يا أمور :huh:
مبيعرفش..ههههههههههههههههههههه
ردحذفبص...هى هتتعلمها انت مع مرور الوقت
متأزمهاش
بس وقت لما تلاعب طفل صغير
لازم تبقى طفل انت كمان ;)
ايه ده بجد مش بتعرف تلاعب اطفال لالالا كده مينفعش حالتك مصتعصيه لازم تروح لدكتور نفساني ايه ده في حد مبيعرفش يلاعب اطفال اكيد عندك عقد وكلا كيع لالا مينفعش انا لو مكانك حرام اجيب اطفال
ردحذفههههههههههههههههههههه لا بهزر عادي علي فكره
واضح ان مفيش اطفال في عيلتكو بيقتحمو حياتك ويدخلو يدعبسو في حاجتك ويقعدو يتنططو حواليك ويقرفو فيك وتلاقي نفسك بتتعض ويدلق عليك الاكل وكل الغلب ده <_< بس عادي هتتعود
لما يبقي فيه اطفال تبقي مجبر انك تتعامل ويمكن تبتكر طرق جديده للتعامل
بس هديك خطوات صغننه تخليك تعرف تتعامل معاهم
1 ) وهي الاهم الابتساامه
2) لما تشوف طفل عاوز تلاعبه انزل لمستواها يعني تقريبا هتقعد علي ركبتك او تنحني
ولما تيجي تسلم الولد يتقالو "ازيك يا بطل اسمك ايه " مثلا او "اخبار راجلنا الصغنن ايه " والبنوته "ازيك يا عسل اوكتكوته او اي حاجه كده"
ولو معاك لبان او حاجه حلوه اديها او اديهاله ولو حابب تلفت انتباهه ممكن بالمفاتيح وخلصنا علي كده
اه ملحوظه لو بتلبس نظاره اقلعها قبل ما تلاعبو لانها اول حاجه هتتنتش منك :(
ولو في حاجه مهم انصحك متديهاش لاي طفل بذات المفاتيح اللي مديلياتها حلوه مش كل الاطفال بيسيبوها
اسأل مجرب <_<
ايه كل الخبرات دي :huh:
ردحذفأزال المؤلف هذا التعليق.
ردحذفأزال المؤلف هذا التعليق.
ردحذفأزال المؤلف هذا التعليق.
ردحذفأنا كمان فاشل جدا فى مداعبة الأطفال
ردحذفالمشكلة مش فى اجتذاب الطفل
المشكلة هى الاحتفاظ باهتمامه بعد ما جذبته
ودى اللى باقع فيها دايما
العيال بيزهقوا منى